Márfun ja gummebissut

Goahteskuvladoaibma 20 b. skábmamánus 2010


Dan mánu doaibma leai árbevirolaš márfun ja gummebissu ráhkadeapmi.

Odne mis leai olu teknihkka veahkkin go mii galggaimet dokumenteret otná beaivvi doaimma. Dat ledje kamerat, videokamerat ja jietnabáddenrusttegat ja de dieđusge maid min čalmmit ja bealljit.

Jon Isak ja videokamera

Márfut

Mis ledje čoalit, varra, buoiddit, nisujáfut, rogat ja sálttit. Min árbečeahpi álggii doidit čoliid ja de divttii de luvvadit roaves sáltečázis oanehis gaskka vai čoalit eai šatta nu veahttasat. Ja de son muitalii veahá vara ja čoliid birra.

Varra

Go leat njuovvan bohcco ja dan varas, man leat bidjan lihttái, das de loktana varra mii lea čuvgesruoksat, dan vara gohčodit gieravarran. Ja dat varra lea eanet čuvgesruoksat go dat varra mii ii loktan. Ja dan varas šaddet hui njálgga márffit ja varraguhppárat. Dat lea dego buoiddit varra. Muhto dat ii láve šaddat nu olu dakkár varra, gieravarra. Ja ii láve dárbbašit seaguhit čáziin dan dihte go dat varra ii lea nu álbmá. Muhto de dat varra mii lea čáhppadeabbo dan vara ferte seaguhit čáziin muđui šaddet nu garra ja álbmás guhppárat ja márffit.

Čoalit

Buoiddes bohccos leat nannosit čoalit, dat eai luoddan nu álkit go duolddat daid.

 

Luvvadeame čoliid sáltečázis

“Márfedáigi”

Min árbečeahppi ii lean gullan dan sáni márfedáigi maid min leimmet gávdnan ovtta girjjis (Borramušat bohccos, 2009 ) ja su mielas dat sátni ii riekta soaba. Son leai gullan iežá sáni maid son ii jur justte dál fuobmán. Son álggi bidjat vara ja de čázi, fiinnasálttiid ja de veahá rogaid ja buoiddi. Dajai ahte ii láve bidjat grahamsjáfu dan dihte go dat jáfut eai gávdnon ovdal ja son lean hárjánan atnit rogaid.

Dat galgá šaddat sullii seamme njárbat dego bánnegáhkkudáigi, ja dat fearga galgá leahkit na.

Mii lea dehálaš go virru lea ahte ii oačču ila jođánit vierrut de dat boahtá áibmu dáigái ja dat ii lea buorre dan dihte ahte go čoalit de sáhttet luoddanit go dat duldet.

Goarru čoliid stohppennáluin

Duolddahit márffiid

Bija márffiid duoldi sáltečáhcái (dahje duolddat biergoliemas). Das ferte hui várrugas leahkit, dat lea hui bahá ahte márffit luoddanit. Danin galgá hui seakkes stohppennáluin čugget ráiggi márfái nu ahte áibmu boahtá olggus márffis.

Go de márffit ain loktanit de lea áibmu márffis de galgá čuggestit várrugasat. Jus ila olu dahje ila dávjá čuokkut de sáhttet luoddanit. Duolddat dassážii go ii šat boađe varračáhci márffis, ja dassážii buoiddit leat giksan. Ja ale deavdde báhtái ila olu márffiid de dat maid sáhttet luoddanit.

Márffit báđis, skulljes várrugasat ravdda mielde

 


Mánát

Ja mánát maid barge ja ledje veahkkin gievkkanis.

Dat lea okta mihttu, okta čorpmadievva rohkajáfut.

Borrat

Ja de viimmat, máŋga máŋga diimmu maŋŋel de márffit ja varraguhppárat ledje giksan nu min beasaimet boradit.

Vimmat beasaimet herškkostallat

Márffiid ja guhppáriid borramin

 

Annonser
%d bloggare gillar detta: